Ro'ziqul Berdiev: "Tarixiy natija bilan barcha o'zbekistonliklarni tabriklayman"

Ro'ziqul Berdiev: - Asosiy maqsadimiz keyingi bosqichga chiqish edi va buni uddaladik. Barcha futbol muxlislarini ushbu muvaffaqiyat bilan tabriklayman. Yigitlarga alohida rahmat aytaman. O'yin teng kurashlar ostida o'tdi. Bugun asosiy etiborni himoyaga qaratdik, chunki bizga natija muhimroq edi.

Marko Stanoevich: - Bugun "Al Vihdat" ham yaxshi o'yin o'tkazdi. Ammo biz jamoa uchun borimizni berdik va navbatdagi bosqichga chiqdik.

- Avvalo jamoani pley-offga chiqqani bilan tabriklaymiz. Jamoangiz o'yinni hujumkor boshladi va uchinchi daqiqadayoq gol urdi. Tezkor gol Sizning rejangizda bormidi?

Ro'ziqul Berdiev: - Tezkor gol urishga harakat qilish rejada bor edi. Qarshi hujumlarda o'tkirroq, xavfliroq o'ynashni istadik. Boya aytganimdek, bugun natija uchun o'ynadik. "Nasaf"ning keyingi bosqichga chiqishi tarixiy natija bo'ldi. SHu sababli ko'proq himoyalanib, qarshi hujumlarda o'ynashimiz kerak edi. Natijadan xursandmiz.

- Markoga murabbiy haqida savol bor. Ushbu murabbiy "Nasaf"da ishlayotganiga uzoq yillar bo'ldi. O'tgan yili jamoa OFK Kubogida muvaffaqiyatli qatnashdi. 11 yil oldin esa ushbu musobaqada tarixiy natijaga erishildi. Xo'sh, murabbiyingiz qiyin va xursand paytlarda qanchalik darajada o'zgaradi?

Marko Stanoevich: - Murabbiyimiz muvaffaqiyatlarimizning asosiy sababchisi. U jamoa tarkibidagi barcha futbolchilarning sifatlarini, malumotlarini yaxshi biladi. U bilan ishlash menga yoqadi.