Ro'ziqul Berdiev: "Rahbariyat oldimizga aniq vazifa qo'ymagan"

"Ishonchli g'alabaga erishdik. Futbolchilarimiz mahoratliroq edilar, buni hisobda ham aks ettirdik. "Obod" to'p bilan yaxshi muomala qilishini va qisqa paslar berishga usta ekanliklarini bildik. SHu bois to'psiz yaxshi harakat qilishimiz kerak edi. "Obod" birinchi gol o'tkazgach mezbonlar himoyani unutib qo'yishdi va hisob yiriklashdi. Balki ularda qandaydir tushkunlik bo'lgandir.

Soat 16:00da boshlandi. Ozgina issiq bo'ldi. Bunday havoda tez o'ynash qiyin. Faqat pozicion o'yin ko'rsatdik. Issiq tasir qildi.

Har yili yuqori o'rinlar uchun kurashinglar degan vazifa qo'yiladi. Bizga kubokni olinglar yoki chempion bo'linglar deyilmaydi. Biz yuqori o'rinlar uchun kurashni davom ettiramiz. "Lokomotiv" chempionlikni berib qo'yadi deb o'ylamayman. Ikkinchi o'rin OCHL yo'llanmasini beradi. SHu bois kurash keskin kechadi. Hozir musobaqa jadvaliga qarasak 6ta klub kurashishi mumkin.

Mavsum davomida eng noqulay raqib bu "Bunyodkor" bo'ldi. Ikki marta ularga yutqazdik.

Islom Kenjaboev nimaga o'ynamadi? Oxirgi paytda ko'p o'yin o'tkazayapmiz. Hali u yosh va har tur 90 daqiqadan o'ynay olmaydi. SHu bois unga dam berish maqsadida zaxirada qoldirdim, - deydi Ro'ziqul Berdiev.