Ro'ziqul Berdiev: “Jiddiy tayyorgarligimiz natija berdi”

Ushbu o'yindan so'ng “Nasaf” bosh murabbiyi Ro'ziqul Berdiev matbuot anjumaniga qatnashdi va o'yin borasida o'z fikrlarini bildirdi.

- Bugun “So'g'diyona” ko'proq ximoyaga tayangan xolda taktika tanladi. Jamoamiz gol kiritgan vaziyatdan so'ng raqiblarning ham rejasi o'zgardi va bu bizga qo'l keldi. “So'g'diyona” kurashuvchan jamoa, shuning uchun biz ushbu o'yinga jiddiy tayyorgarlik ko'rgan edik. Natijasi biz uchun yaxshi bo'ldi.Jamoamiz himoya va hujumda ham jamoaviy o'yinni namoyish etdi.

To'g'ri o'ynashga harakat qildik va shuning evaziga “So'g'diyona”ni mag'lub etishga muvaffaq bo'ldik. O'yindan oldin “So'g'diyona”ni o'rganish jarayonida  raqib jamoa hujumchilari kuchli o'yin namoyish etishini va shu sababdan ximoyachilarga juda ehtiyotkor bo'lish lozimligini o'qtirgandik. Menimcha,futbolchilar o'z vazifalarini  alo darajada bajardi.

“So'g'diyona” matbuot xizmati