Ro'ziqul Berdiev "Bunyodkor"ga qarshi o'yindan keyin nimalar dedi?

- Futboldagi qoida bugun o'z so'zini aytdi. Sen urmasang, senga urishadi, degani shu bo'ladi. O'yin murosasiz va qiziqarli kechdi. O'yin davomida ikki marta ortda qolayotib vaziyatni o'nglashga erishgandik. Ammo uchinchisiga vaqt etmadi. O'yin teng kurashlar ostida o'tdi. Bugungi uchrashuvda jamoamizga biroz konsentraciya etishmadi.

Bugun uchta markaziy himoyachi bilan o'ynadik. Sayfiev va SHorahmedov bugun butun qanot bo'ylab, loteral sifatida harakat qildi.

Eldorbek Suyunov va SHerzod Azamovga jamoamiz uchun qilgan xizmatlariga rahmat aytamiz va kelgusi faoliyatida omad tilaymiz. Bu ikki futbolchi jamoamiz etakchilari sanalishadi. Ularni o'rnini to'ldirish uchun ko'zlab qo'ygan futbolchilarimiz bor. Davralar oralig'ida tarkibimizga yangi futbolchilar bo'ladi. Agarda legioner oladigan bo'lsak, undu hujum chizig'ida xorijdan futbolchi olib kelamiz.

Ikkinchi davrada ham yo'qotishlarga qaramay ko'plab ochko jamg'arishga harakat qilamiz. Jamoamizni har doim futbolchilar tark etishadi, ammo bu "Nasaf"ni kuchsizlantirib qo'ymaydi.

Bitta yaxshi tarafi, ikkinchi davrada biz o'z uyimizda ko'proq o'ynaymiz va etakchilarni Qarshida qabul qilamiz.