Ro'ziqul Berdiev: "Bizni chap qanot o'ylantirmoqda"

"BAAdagi yig'inda futbolchilarning o'yin amaliyotiga qaratdik. 4ta o'yin o'tkazdik. Janubiy Koreyaning chempioniga qarshi, Xitoyning ikkita klubi va "Krilya Sovetov" klubiga qarshi o'yin o'tkazdik. Balki bu bahslarda natijalar qoniqarli bo'lmagandir. Lekin bizni qoniqtirgan narsa futbolchilraning o'yin amaliyotiga ega bo'lgani. Jamoamizda katta o'zgarishlar bo'lishi kutilmoqda. Sababi bir qator futbolchilarimiz jarohat olishgan, bazilar tibbiy ko'rikdan o'ta olishmadi. SHu bois selekciya ishlari davom etmoqda. Bundan tashqari yoshlar jamoasida bir qator yosh futbolchilar asosiyga o'tkazilmoqda".

"Bizni o'ylantirayotgan narsa bu chap qanot himoya va chap qanot yarim himoyasida o'yinchilarning yo'qligi. Roy Rok ketdi, Farrux Sayfiev jarohat olgan, SHohruh Gadoev esa Bahraynga ketdi. Ularning o'rnini to'ldirishni istaymiz. Balki bu legioner bo'lar balki mahalliy futbolchi. OCHLda guruhimizda kuchli klublar o'rin olgan. Saudiya Arabistonining "Al Ahli" juda kuchli raqib, BAAning "Al Ayn" klubi va "Al Jayish" ham oddiy raqiblar emas. Bizning maqsadimiz guruhdan chiqish buning uchun oxirigacha kurashamiz".

"Oldimizda Superkubok uchun o'yin bor. Bizning jamoa hozircha bu sovrinni qo'lga kirita olmagan. SHu bois g'alaba qozonishga urinamiz. Hozir ikkala jamoa bir xil holatda. "Paxtakor"dan ham, bizdan ham bir qator futbolchilar ketishdi. O'sha kuni kim kuchli bo'lsa o'sha jamoa zafar quchadi", - deydi Ro'ziqul Berdiev.