Ro'zimboy Ahmedov, Abror Xosinov va bir qator yoshlar “Xorazm” yig'inida

Aytish kerakki, viloyat mutasaddilari hozirgacha jamoa oldiga aniq reja qo'yib, kerakli sharoitlarni yaratib bermasdan kelmoqda. SHunga qaramay “Xorazm” murabbiylari asosan mahalliy futbolchilar hisobiga kuniga bir mahaldan mashg'ulot o'tkazib turibdi. Tarkibda yaqin-yaqingacha Superligada faoliyat olib borgan Ro'zimboy Ahmedov, Abror Xosinov singari tajribali o'yinchilar borligini aytish mumkin. SHuningdek o'tgan yili jamoa sharafini himoya qilgan G'ayrat O'daev, Ravshan Sultonov, Temur Bekjonov, Sarvar Jumaniyozov hamda Jasur Otajonov kabi o'yinchilar ham ayni damda “Xorazm” yig'inida ishtirok etmoqda.

Mashg'ulotlar “Olimpiya” suniy qoplamali maydonida o'tkazilmoqda. Bosh murabbiy Aleksandr Ejovga mahalliy murabbiylar Jasur Tojimov bilan Mansur Abdullaev yordam bermoqda.

Jamoaning 2020 yil hisobidan hech qanday qarzdorligi qolmagan. Murabbiylar va futbolchilar oylik maoshlar va mukofot pullari bo'yicha to'liq hisob kitob qilingani haqida malumotlar bor. Lekin joriy mavsumga aniq reja ishlab chiqilmagani urganchliklarning havotirini oshirmoqda. Sababi bu yil PRO-Liga klublari selekciya ishlarini yuqori darajada olib bormoqda. Har bir jamoani jiddiy kurash kutib turgani hech kimga sir emas. “Xorazm” futbolchilari ham viloyatda futbolga etibor ortishiga umid qilgan xolda, astoydil tayyorgarlik ko'rmoqda. Faqatgina mutasaddilar tomonidan ularni qo'llab-quvvatlab turish qolmoqda xolos.