Rossiya termasiga qarshi uchrashuvdan keyin Keyrush nimalar dedi?

“Bugungi o'yin biz uchun yaxshi “dars” va shogirdlarimning xalqaro uchrashuvlarga tayyorgarlik ko'rishlari uchun ajoyib imkoniyat bo'ldi. O'ylaymanki, muxlislar  o'yindan zavq olishdi. Ikkinchi bo'limda biroz o'yinimiz susaydi, birinchi bo'limdagi singari tajovuzkor o'yin ko'rsata olmadik.

Azmun – yosh va iqtidorli futbolchi. Terma jamoada biz unga to'g'ri ruhlantirishga, o'ziga bo'lgan ishonchi oshirishga urinayapmiz. U dastlab Qozonda, keyin Rostovda, hozir yana Qozonda to'p tepayapti va ung moslashish uchun biroz vaqt kerak. U biroz tajribasini oshirsa, o'zini har tomonlama ko'rsata oladi”, deydi Keyrush.