Ronaldu Messi bilan bir jamoada o'ynashi mumkin!

Manba bergan xabarga ko'ra, parijliklar rahbariyati hujumchi Kilian Mbappening ketishi sababli tarkibni kuchaytirish imkoniyatlarini qidirmoqda.

Qayd etilishicha, agar Ronaldu "qizil iblislar" lagerini tark etsa, PSJ uni qo'lga kiritish uchun bor imkoniyatini ishga soladi.

Oldinroq portugaliyalik futbolchi "Manchester Yunayted"dagi vaziyatdan norozi ekanligi va u o'z kelajagini agenti Jorje Mendesh bilan muhokama qilayotgani haqida xabar berilgandi.

Ronaldu joriy mavsumda Premer-ligada 16 o'yinda maydonga tushib, 8 ta gol urdi va 3 ta golga assistentlik qildi.