Roman Pavlyuchenko: "Toshkent klubidan taklif bo'lgan edi"
28 jan 2018 17:09
Yangiliklar

Roman Pavlyuchenko: "Toshkent klubidan taklif bo'lgan edi"

Rossiyalik tajribali hujumchi Roman Pavlyuchenko "Sport-Ekspress" nashriga bergan intevyusida O'zbekiston klubidan taklif bo'lganini aytdi.

- Sizga Toshkentning "Lokomotiv" klubidan ham taklif bo'lgan ekan...
- Taxminiy muzokara bo'lgandi, ammo aniq hech nima bo'lmagan. Men bilan uchinchi shaxs aloqaga chiqqandi. Klub vakillariga o'zlari menga murojaat qilishlarini yoki uchrashishni taklif qildim, ammo... Osiyo chempionlar ligasi boshlanishiga oz qoldi. Bir necha kun oldin yana aloqaga chiqishdi. Biroq yana o'sha uchinchi shaxs orqali. Buni noto'g'ri deb hisoblayman, yuzma-yuz gaplashish lozim, - deydi "Spartak" va "Tottenxem" klublari sobiq hujumchisi.

Roman Pavlyuchenko 1981 yilda tug'ilgan. 2003-2012 yillarda Rossiya terma jamoasi safida 50ta o'yin o'tkazib 21ta gol urgan.