“Roma“ hujumchisiga Turkiya grandlari qiziqish bildirmoqda

Transfer huquqi “Roma“ga tegishli bo'lgan hujumchiga “Fenerbaxche“ va “Beshiktosh“ jiddiy qiziqish bildirmoqda. O'z o'rnida rimliklar 27 yoshli hujumchini yaxshi summaga sotib yuborishga tayyorligini malum qilgan.

Temmi Abraxam joriy mavsum “Milan“ safida 45 ta uchrashuvda maydonga tushdi. Uning hisobida 10 gol va 7 ta golli uzatma bor. Futbolchining “Roma“ bilan tuzgan shartnomasi 2027 yilning yozida yakunlanadi. Transfermarkt nashri ingliz futbolchisini 15 million evroga baholagan.