Rojerio Mikale: "Misrliklarning jangovar ruhi O'zbekistonni mag'lub etishda hal qiluvchi rol o'ynadi"

"Misrliklarning jangovar ruhi O'zbekistondek kuchli jamoani mag'lub etishda hal qiluvchi rol o'ynadi.

O'zbekiston terma jamoasi ajoyib avlodga ega. Ular 4 yildan beri turnirga tayyorgarlik ko'rishdi, ularda kuchli ligalarda to'p tepadigan bir guruh professional futbolchilar mavjud.

SHunga qaramay, biz kuchli o'yin namoyish qildik va Olimpiadaning keyingi bosqichiga yo'llanmani qo'lga kiritish yo'lida muhim va kerakli 3 ochkoni qo'lga kiritdik.

Dominikan Respublikasi va O'zbekistonga qarshi o'yinlarda bazi qiyinchiliklarga duch keldik, ammo o'yinchilardagi jasorat mag'lubiyatga uchrashga yo'l qo'ymadi. Birinchi turdan so'ng bizda bosim bor edi, O'zbekistonga qarshi o'yindan so'ng buni bartaraf etdik.

Oldinda Ispaniyaga qarshi qiyin o'yin kutib turibdi, chunki raqib kuchli, uyushqoq va tezkor jamoa hisoblanadi.

Kurashni davom ettiramiz, o'z orzularimiz sari olg'a boramiz va turnir so'ngiga qadar etib borishga harakat qilamiz", - dedi braziliyalik mutaxassis.

Eslatib o'tamiz, Misr terma jamoasi ikki turdan so'ng 4 ochko egallagan holda guruhda 2-o'rinni egallab turibdi.