Real rossiyalik futbolchi tufayli Ispaniya kubogidan chiqarib yuborilishi mumkin

Gap shundaki, “Qirollik klubi” yarim himoyachisi Denis CHerishev kecha tunda “Kadis”ga qarshi kechgan uchrashuvda maydonga tushgan va xatto hisobni ochuvchi golni ham kiritgan.

Rossiya terma jamoasi azosi ushbu o'yinda maydonga tushish imkoniyatiga ega bo'lmagan. CHerishev o'tgan yilgi kubok bahsida “Vilyarreal” tarkibida uchinchi sariq kartochkasini olgan va u avtomatik tarzda o'yinni o'tkazib yuborishi kerak edi. Reglamentga ko'ra, futbolchi boshqa klubga o'tgan taqdirda ham diskvalifikaciya o'z kuchida qoladi. Agar "Kadis" etiroz bilan chiqsa "Real" musobaqadan chetlatilishi mumkin.