"Real" Mbappe transferi uchun 1 milliard evro sarflaydimi?

Madridning "Real" klubi hali ham Kilian Mbappeni sotib olish niyatida.

Madrid klubi katta xarajatlarga qaramay, transferni amalga oshirishga tayyor, deya xabar berdi "La Gazzetta dello Sport". "Qaymoqranglilar" prezidenti Florentino Peres PSJ bilan tuzilgan shartnomaga ko'ra, franciyalik futbolchi 3 yilda 636 million evro ishlab olishi mumkinligidan qo'rqmayapti – u shartlarni bajarishga tayyor.

Transferning umumiy summasi 1 milliard evroga etishi mumkin. Unga parijliklardan Mbappeni sotib olish xarajatlari, futbolchining maoshi va turli bonuslar kiradi.

Hujumchi joriy mavsum Liga 1da 14 ta o'yinda maydonga tushib, 12 ta gol urdi va 2 ta golli uzatmani amalga oshirdi.