Ravshan Haydarov boshchiligidagi O'zbekiston OTJ Toshkentda yig'inga kirishdi

Ravshan Haydarov boshchiligidagi O'zbekiston olimpiya terma jamoasi Osiyo o'yinlariga so'nggi tayyorgarlikni o'tkazish uchun Toshkentda yig'inga kirishdi. Futbolchilar Toshkent Temiryo'llari Muhandislik Instituti maydonida mashg'ulotlar o'tkazishmoqda.

Yig'in 9 avgust kuniga qadar davom etadi. Ana shu yig'indan keyin murabbiylar shtabi Osiyo o'yinlariga boradigan yakuniy tarkib borasida bir to'xtamga keladi. O'sha paytda jismoniy va funkcional jihatdan har tomonlama tayyor bo'lgan futbolchilar Osiyo o'yinlarining yakuniy ro'yxatiga kiritiladi.

Toshkentdagi yig'inga jalb qilingan futbolchilar ro'yxati:

Darvozabonlar:
Botirali Ergashev, “Navbahor”
Umidjon Ergashev, “Nasaf”
Rahim Davronov, “Mashal”

Himoyachilar:
Rustam Ashurmatov, “Bunyodkor”
Akrom Komilov, “Bunyodkor”
Islom Qobilov, “Bunyodkor”
Abbos Otaxonov, “Metallurg”
Dostonbek Tursunov, "Neftchi"
Hojiakbar Alijonov, “Paxtakor”

Yarim himoyachilar:
Odil Hamrobekov, “Nasaf”
Javohir Sidiqov, “Qo'qon-1912”
Jasur Yaxshiboev, “Paxtakor”
Doniyor Narzullaev, “Nasaf”
Jaloliddin Masharipov, “Paxtakor”
Aziz Turg'unboev, “Navbahor”
Xurshid G'iyosov, “Bunyodkor”
Ikrom Aliboev, “Lokomotiv”
Doston Hamdamov, “Anji”, Rossiya
Husniddin G'ofurov, “Neftchi”
SHarof Muhiddinov, “Nasaf”

Hujumchilar:
Andrey Sidorov, “Neftchi”
Zabihullo O'rinboev, “Metallurg”
Bobir Abdixoliqov, “Nasaf”

Ushbu yig'inga “Nasaf” vakili Aziz G'aniev ham jalb qilingandi. Ammo terma jamoamiz yarim himoyachisi jarohati sababli Osiyo o'yinlarini o'tkazib yuboradigan bo'ldi. Aziz G'anievga mustahkam sog'liq tilab qolamiz!