Rasmiy xabar: Janubiy Koreyaning yangi bosh murabbiyi malum qilindi

Janubiy Koreya terma jamoasi sobiq futbolchisi SHin Tae Yong endilikda bosh murabbiy lavozimida ishlaydi. Bu haqda championat.asia OFK rasmiy saytiga tayanib xabar berdi.

Murabbiy bunga qadar Janubiy Koreya U-20 terma jamoasini boshqarib kelayotgan edi. Uli SHtilike kelguniga qadar 2014 yil sentyabr oyida aynan SHin Tae Yong bosh murabbiy lavozimini bajaruvchi bo'lib ishlagan edi.

31 avgust kuni SHin Tae Yong boshchiligidagi koreyslar o'z maydonida Eronni qabul qilishadi. 5 sentyabr kuni Janubiy Koreya Toshkentda O'zbekiston bilan o'ynaydi.

46 yoshli SHin Tae Yong 2005 yildan murabbiylik faoliyatini boshlagan. Dastlab uch yil davomida "Brisben Roar" klubida yordamchi bo'lib ishladi. 2009 yil "Seongnam Ilva CHunma"ga keldi va 2010-2012 yillarda bosh murabbiy bo'lib ishladi.

2014-2016 yillarda Janubiy Koreya terma jamoasi murabbiylar shtabida faoliyat olib bordi. Oxirgi ikki yilda Janubiy Koreya U-23 va U-20 terma jamoalarini boshqardi.