Rasman: Stiven Bergveyn - "Ayaks" futbolchisi!

SHartnoma besh yilga imzolangan va 2027 yilning 30 iyunida yakunlanadi. "Ayaks" futbolchining transferi uchun "shporlar"ga 31,25 million evro to'laydi.

Bergveyn avvalroq Amsterdam klubining yoshlar jamoasi o'ynagan. SHuningdek, "Tottenxem"ga o'tishdan oldin u PSV tarkibida to'p tepgan.

London klubi safida u 83 ta o'yin o'tkazib, 8 ta gol urdi. Niderlandiya terma jamoasi safida esa futbolchi 22 o'yin o'tkazib, 6 bor raqiblar darvozasini ishg'ol qilgan.

"SHporlar" o'tgan mavsumda APLda to'rtinchi o'rinni egallab, CHempionlar ligasiga yo'llanmani qo'lga kiritdi. Niderlandiya chempionligini qo'lga kiritgan "Ayaks" ham Evropaning asosiy klublar turnirida ishtirok etadi.