Rasman: "Sampdoriya" "Yuventus" darvozabonini 20 million evroga sotib oldi

Emil Audero "blyucherkyatti"ning to'laqonli o'yinchisiga aylandi, deb xabar berdi "Sampdoriya" klubi rasmiy sayti. 22 yoshli Audero "Yuventus" tarbiyalanuvchisi hisoblanadi. O'tgan yil yozda "keksa sinora" darvozabonni genuyaliklarga 1 million evro evaziga ijaraga bergan edi. Endi esa Emilni 20 million evroga sotib yuborishdi.

Audero bu yilgi mavsumda "Sampdoriya"ning 22 uchrashuvida ishtirok etdi. Ularning 9tasida umuman to'p o'tkazmadi, qolgan 13 o'yinda esa 26ta gol o'tkazib yubordi. Eslatib o'tamiz, u avval "Veneciya"da ham o'ynagan.