Rahimjon Davronov: "Mashal" kuchli beshlikka kirishga harakat qiladi"

Muborakliklar bosh murabbiy Viktor Jalilov qo'l ostida mashg'ulotlarni olib borishmoqda.

Tarkibda hozircha katta o'zgarishlar yo'q. Faqat, o'tgan mavsumda ijarada harakat qilgan futbolchilar jamoa ixtiyoriga qaytgan xolos. Hususan 2019 yilda ijara asosida “Buxoro” klubida to'p tepgan darvozabon Rahimjon Davronov ortga qaytdi. Olimpiya terma jamoasi bilan Osiyo chempioni bo'lgan iqtidorli posbon tayyorgarlik va yig'in haqida fikrlarini bildirib o'tdi.

“Tayyorgarlik reja bo'yicha ketmoqda. Kuniga ikki mahaldan mashg'ulotlar olib boryapmiz. Ikkita nazorat uchrashuvi ham o'tkazishga erishdik, “Buxoro” va “Qizilqum” bilan. Ha, yangi murabbiy haqida biror nima deyishim qiyin. Hozircha mashg'ulotlar ancha qiziqarli tus olgan. CHempionat boshlansa ko'p narsaga oydinlik kiritib olishimiz mumkin. Mazkur yig'in doirasida yana o'rtoqlik uchrashuvlari o'tkazilishi rejalashtirilgan. To'g'ri, transferlar oynasida oqsayapmiz. Lekin, o'zimizning mahalliy futbolchilarimiz o'zlarini ko'rsatishga tayyor turishibdi. Kuchli beshlikka kirishga harakat qilamiz”,- dedi Davronov.

Abdulaziz Iskandarov yozib oldi