"Qizilqum": Mirabror Usmonovni tabriklaymiz

Keyingi yillarda mamlakatimiz Prezidenti tashabbusi bilan yurtimizda jismoniy tarbiya va sport, jumladan, millionlar o'yini - futbolni rivojlantirishga katta etibor qaratilmoqda. Hukumatimizning bu g'amxo'rligini hayotga tatbiq etishda esa Mirabror Zufarovich rahbarlik qilayotgan sport tashkilotlarining beqiyos o'rni bor. Mustaqil O'zbekiston sportchilarining xalqaro maydonda erishayotgan yutuqlari salmog'ining ortishida aynan O'FF va MOQ tomonidan ishlarning oqilona tashkil etilayotganligi qo'l kelayotganligi sir emas.

Fursatdan foydalanib, "Qizilqum" futbol klubi Mirabror Zufarovichni qutlug' tavallud kunlari bilan samimiy muborakbod etadi. U kishiga uzoq umr, sihat-salomatlik va oilaviy xotirjamlik tilaydi. Mirabror Usmonov rahbarligida Vatanimiz sportchilarining kelgusida yanada zalvorli g'alabalarni qo'lga kiritib, yurtimiz dovrug'iga dovrug' qo'shishiga ishonadi.

"Qizilqum" futbol klubi