"Qizilqum": Georgiy Mikaberidzega javob berildi

Konchilarning bu galgi raqibi Toshkentning “Bunyodkor” yoshlari bo'ldi.

Uchrashuvda navoiyliklar bosh murabbiyi Yuriy Lukin quyidagi futbolchilarni maydonga tushirdi:

Artyom Makosin, Mirjalol Qurbonov, Asqarjon Muhiddinov, Georgiy Kvesieshvili, Akmal Rustamov, Alisher Sanoev, Azizbek Usmonov, Eldor Boymatov, Samandar SHodmonov, Ruslan Vagapov, Navro'zbek Alimov.
Zaxiradan maydonga tushganlar: Dilshod Hamroev, Fayzulla Qambarov, G'ayrat Jumaev, Akmal Xoliqov, Bobirjon Iskandarov, Sarvarjon Xolmatov, Alisher Xoliqov, Nodirbek SHahobiddinov, Bahodir Qosimov.
 
O'yinda konchilar katta tashabbusga ega bo'ldilar. Bu hisobda ham o'z aksini topdi. Dastlabki bo'limda Asqarjon Muhiddinov hisobni ochgan bo'lsa, tanaffusdan so'ng Alisher Xoliqov g'alabani mustahkamladi - 2:0.

Darvozabon Erkin Jabborov, yarim himoyachilar Jamshid SHohnazarov, SHerali Jo'raevlar shu kuni individual mashg'ulotlar o'tkazdilar.
 
Poytaxtdagi yig'inga kelib qo'shilgan gruziyalik yarim himoyachi Georgiy Mikaberidze (“Olimpi” Rustavi)ning o'yini murabbiylarga maqul kelmaganligi tufayli unga javob berib yuborildi.
 
Hujumchi Vladimir SHishelov yana bir necha kundan so'ng, yurtimizga qaytib keladi. SHuningdek, “Qizilqum” mashg'ulotlariga bugun-erta mahalliy va xorij klublaridan yana bir necha futbolchining kelib qo'shilishi kutilmoqda.
 
Rejaga ko'ra, navoiyliklar 18 iyul kuni navbatdagi sinov-nazorat uchrashuvini o'tkazadi. Unda “Qizilqum” futbolchilari “Buxoro” jamoasi bilan kuch sinashadi.