Qirg'iziston futzal terma jamoasi bosh murabbiyi: "O'zimiz yo'l qo'ygan xatolarimiz sababli mag'lub bo'ldik. Osiyo kubogida Yaponiyani mag'lub etganimizdan so'ng bosimni his qildik"

- O'yin haqida

- Ikki jamoa ham juda yaxshi o'yin va sifatli o'yin namoyish etishdi. Bizning xatolarimiz kattaroq edi va shu sababli bugun mag'lubiyatga uchradik.

- Qanday xatolarni takidlab o'ta olasiz?

- Raqibimiz yo'q joydan gollar urib ketdi. Uch golda ham xatolarga yo'l qo'ydik.

- O'zbekiston terma jamoasining Jahon chempionatidagi ishtiroki haqida gapirib o'tsangiz?

- Ishonchim komilki, O'zbekiston terma jamoasi munosib o'yin namoyish etishadi. Ko'pgina uchrashuvlarda g'alaba qozonishiga ishonaman.

- So'ngi Osiyo kubogida Qirg'iziston terma jamoasi o'zining darajasidan pastroq natija qayd etdi va Jahon chempionati yo'llanmasini boy berdi. Asosiy vazifa bajarilmadi. Endi yaqin kelajakdagi rejalar qanday?

- Biz yosh futbolchilarga imkoniyat berishni boshlab yubordik. Osiyo kubogida Yaponiyani mag'lubiyatga uchratganimizdan so'ng bosimni his qildik. Biz keyingi katta musobaqalarga tayyorgarlik ko'rishda davom etamiz.

- So'nggi yillarda markaziy Osiyo terma jamoalari futzalda yaxshi natijalar qayd etishmoqda va katta o'sishga erishishdi. O'zbekiston, Qirg'iziston, Tojikiston, Afg'oniston terma jamoalari Osiyo mintaqasida kuchlilar qatoridan joy olishgan. Bunga nima sabab deb o'ylaysiz?

- Mening fikrimcha bu daraja. Biz xalqaro musobaqalarda o'zimizning darajamizni ko'rsatib kelmoqdamiz.