Pro ligada bugun qanday uchrashuvlar bor? Qo'qonga katta futbol qaytmoqda, Evstafeev "SHo'rtan" bilan, G'ofurov "Navbahor-farm" bilan jangga tayyor

Qo’qon-1912 Sanat Shixov - 68'

PRO liga. 2-tur 22/03/2023, 16:00 0 : 1 Tugadi

Mash’al

45'

90'

68'  Sanat Shixov

73'  Shota Gvazava

Match-senterda ochish

"Qo'qon-1912" - "Mashal"

— Nihoyat "Qo'qon-1912" jamoasi bir yillik tanaffusdan so'ng o'z maydoniga qaytdi. Jamoa bugun yangi ko'rinishga kelgan o'z maydonida "Mashal"ni qabul qiladi. So'nggi bor mazkur arenada mezbonlar 2021 yil Superliga 25-turi doirasida OKMKga qarshi maydonga chiqqan edi. Projektor muammosi sabab jamoa o'tgan mavsumni Yaypanda o'tkazishga majbur bo'ldi. "SHunqorlar" shu kungacha "gazchilar" bilan faqat Superliga va kubok bahslarida to'qnash kelishgan. Bu borada kichik ustunlik muborakliklar tomonida. Ammo jamoalar o'rtasidagi so'nggi 5ta uchrashuvda qo'qonliklar raqibiga faqat bir marotaba engilganini ko'rishimiz mumkin. "Mashal" 2017 yildan beri "Qo'qon-1912"ni mag'lub eta olmayapti. 

16.09.2017. "Qo'qon-1912" - "Mashal" 2:4

01.07.2020. "Qo'qon-1912" - "Mashal" 2:0

22.10.2020. "Mashal" -  "Qo'qon-1912" 1:2

09.01.2021. "Mashal" -  "Qo'qon-1912" 0:2

14.09.2021. "Qo'qon-1912" - "Mashal" 2:2

Jamoalar oxirgi marotaba o'tgan mavsum O'zbekiston kubogi guruh bosqichid uchrashishgan. Unda Davron Fayziev shogirdlari 4:0 hisobida g'alaba qozongan. 

Xorazm SHahzod Beshimov - 61'

PRO liga. 2-tur 22/03/2023, 16:30 0 : 1 Tugadi

Navbahor-Farm

45'

90'

61'  SHahzod Beshimov

Match-senterda ochish

"Xorazm" - "Navbahor-farm"

— "Xorazm" o'tgan mavsumdayoq Pro ligada barcha jamoalarga "bosh og'riq" bo'lishga ulgurdi. Lekin Ruslan Ahmedov shogirdlari birinchi turda kichik sensaciya qayd etdi, deya olamiz. Liga debyutanti "Yunired" Samarqandda "Xorazm"ni 1:0 hisobida taslim qilib o'ziga hos syurpiriz taqdim qildi. "Xorazm" qishki transferlar vaqtida Sahob Rashidov, Siroj Meliev, Jahongir Ahmadov, To'lqin Ergashev kabi futbolchilarni qo'shib oldi. Bugun o'z muxlislari qarshisida g'alaba uchun borini berishi shubhasiz. Birinchi ligada chempion sifatida Pro ligaga chiqqan "Navbahor-farm"ni sobiq futbolchi Rashid G'ofurov boshqarmoqda. Murabbiyning bir necha yillar oldin Namanganning bosh jamoasida ishlari ko'ngildagidek kechmagandi. Endilikda Rashid G'ofurov "Navbahor-farm" bilan muvaffaqiyat qozonish maqsadida oldinga intilmoqda. Jamoa birinchi turda "Aral" bilan 0:0 hisobida durangga imzo chekdi. 

G'ijduvon Muslim Qurbonov - 77'

PRO liga. 2-tur 22/03/2023, 17:00 2 : 1 Tugadi

Sho'rtan Bekzod Suvonov - 13', Asadbek Samariddinov - 89'

45'

90'

77'  Muslim Qurbonov

82'  Akbar Murodov

13'  Bekzod Suvonov

89'  Asadbek Samariddinov

Match-senterda ochish

"G'ijduvon" - "SHo'rtan"

— Birinchi turda dam olgan "G'ijduvon" uchun mavsumdagi ilk o'yin "SHo'rtan"ga qarshi bo'lib o'tadi. Mezbonlardan ham ko'proq yurtimizga qaytgan Aleksey Evstafeevning ishi qiziq bo'lsa kerak. Uning yoshlar bilan ishlash tajribasini hisobga olsak, Aliqulovdan so'ng "SHo'rtan" uchun ayni mos murabbiy, deya olamiz. G'uzorliklar mavsumni hujumkor va shiddatli ruhda boshlashdi. "Qo'qon-1912" bilan 3:3 hisobida durang qayd etishgani "G'ijduvon" uchun "signal" bo'lishi aniq.