Prevyu. "So'g'diyona" - "Nasaf"

SO'G'DIYONA – NASAF
3 may. Zomin. "Zomin" stadioni. 16:30
Hakamlar: H.Ro'ziev, T.Galeev, S.SHoyusupov, A.Jo'raxonov
Nazoratchi: A.Popov.

“So'g'diyona” hamda “Nasaf” klublari oliy ligada shu kungacha 26 bor kuch sinashishgan. “Nasaf” 19ta o'yinda g'alaba qozongan. 6ta uchrashuvda “So'g'diyona”ning qo'li baland kelgan. 1ta o'yinda durang qayd etilgan. To'plar nisbatida ustunlik “Nasaf” tomonida: 54:24. “Ajdarlar” o'zaro o'yinlarda 58 ochkoga ega bo'lishgan, “So'g'diyona” esa 19 ochkoni qo'lga kiritgan. “Nasaf”ning “So'g'diyona” ustidan qozongan eng yirik g'alabasi 4:1ga teng bo'lsa, “So'g'diyona”ning qarshiliklar ustidan erishgan eng yirik g'alabasi – 3:2.

2013 yilgi mavsumdagi ikkala o'yinda ham “Nasaf” ikki to'p farqi bilan g'olib chiqqan. “So'g'diyona” maydonidagi bahsda SHoxrux Gadoev va Azamat Allaniyazov mezbonlarning mag'lubiyatini taminlagan – 0:2. Qarshidagi o'yinda tomoshabinlar jami 6 golning guvohiga aylanishgan.  Dastlab Renat Bayramov jizzaxliklarni hisobda oldinga olib chiqqan, bunga “Nasaf” Artur Gevorkyan, Ilhom Yunusov va SHuhrat Muhammadievning gollari bilan javob bergan. Ikkinchi bo'limda “So'g'diyona” vakili Suhrob Berdiev hisobni qisqartirgan. Ammo Gevorkyan dubl rasmiylashtirib farqni ikkitaga oshirgan – 4:2.

“So'g'diyona” maydonida bo'lib o'tgan so'nggi besh uchrashuv:
31.05.2013 So'g'diyona - Nasaf 0:2
23.09.2011 So'g'diyona - Nasaf 0:2
26.09.2009 So'g'diyona - Nasaf 1:4
29.08.2008 So'g'diyona - Nasaf 2:1
07.05.2006 So'g'diyona - Nasaf 0:2

O'zaro o'yinlar haqida fakt: “So'g'diyona” maydonida bo'lib o'tgan o'yinlarda umuman durang qayd etilmagan. 5 marta maydon egalari, 8 marta “Nasaf” g'alaba qozongan. Jizzaxdagi oxirgi 3 o'yinda “Nasaf” g'alabaga erishgan.