Prevyu. "SHo'rtan" - "Dinamo"

SHo'rtan (G'uzor) – Dinamo (Samarqand)  
11 aprel 2015. G'uzor. "G'uzor" stadioni. 16:30
Hakamlar: SH.Qosimov, R.Fozilov, M.Majidov, SH.Qayumov
Nazoratchi: I.Nexochin

“SHo'rtan” va “Dinamo” oliy ligada 18 bora to'qnash kelishgan. Natijalar “Dinamo”ning kichik ustunligini ko'rsatmoqda. “Dinamo” 8ta o'yinda g'alaba qozongan, “SHo'rtan” hisobida esa 7ta uchrashuvda zafar quchdi, 3ta o'yinda g'olib aniqlanmagan. To'plar nisbati “Dinamo” foydasiga 24:22 ni tashkil qilmoqda. O'zaro o'inlarda “arslonlar” 27 ochko to'plashgan, “oq bo'rilar” esa 24ta ochkoni qo'lga kiritishgan.

“Dinamo”ning “SHo'rtan” ustidan qozongan yirik g'alabasi – 4:1ga teng. “SHo'rtan”ning ushbu raqib ustidan qozongan eng yirik g'alabasi 4:2 bo'lib turibdi.

O'tgan yil “SHo'rtan” oliy ligada o'ynamagan. SHu bois bu jamoalar o'rtasidagi so'nggi bahs 2013 yil bo'lib o'tgan. O'sha yilning 12-turida Samarqandda kechgan o'yinda maydon egalari zafar quchishgandi. Sirojiddin Sayfievning ikkita goliga g'uzorliklar Dilyaver Abibullaevning goli bilan javob berishgandi – 2:1. G'uzorda esa mehmonlar vakili Sirojiddin Sayfiev hisobni ochgan, bunga ikkinchi bo'limda Aziz G'ulomxo'jaev javob bergandi – 1:1.


G'uzorda bo'lib o'tgan so'nggi besh uchrashuv:
10.08.2013 SHo'rtan - Dinamo 1:1
21.09.2012 SHo'rtan - Dinamo 1:0
22.04.2011 SHo'rtan - Dinamo 2:0
10.04.2010 SHo'rtan - Dinamo 2:0
17.10.2009 SHo'rtan - Dinamo 3:2

O'zaro o'yinlar haqida fakt: G'uzorda bo'lib o'tgan o'yinlarda “Dinamo” faqat bir marta (2005 yil) g'olib chiqqan va ikki marta (2008 va 2013 yillar) durang qayd etgan. Qolgan oltita o'yinda “SHo'rtan” zafar quchgan. So'nggi to'rtta o'yinda “Dinamo” safarda faqat bitta gol urgan.