Prevyu. "Paxtakor" - "Navbahor"

Paxtakor (Toshkent) – Navbahor (Namangan)
1 may 2015. Toshkent. "Paxtakor" stadioni. 19:30
Hakamlar:  V. Serazetdinov (Toshkent), R. SHoyaxmetov (Toshkent), V. Lushin (Guliston), A. Muminov (Toshkent  vil.)
Nazoratchi: I. Mustafin (Toshkent).

Bu ikki klubning yo'llari oliy ligada 46 bor kesishgan. Ustunlik “Paxtakor” tomonida. 29 ta o'yinda “sherlar”ning qo'li baland kelgan bo'lsa, 11 ta uchrashuvda “lochinlar” g'olib bo'lishgan. Olti uchrashuvda g'olib aniqlanmagan. To'plar nisbati “Paxtakor” foydasiga. “SHerlar” shu kunga qadar o'zaro o'yinlarda 80 ta gol kiritib o'z darvozalaridan 36 marta to'p olib chiqishgan. O'zaro o'inlarda “Paxtakor” 93 ochkoni, “Navbahor” esa 39 ochkoni qo'lga kiritgan.

“Paxtakor” oliy ligada “Navbahor” ustidan 7:0 hisobida g'alaba qozongan. Bu o'zaro o'yinlardagi toshkentliklarning eng yirik hisobidir. “Navbahor”ning o'zaro o'yinlardagi “sherlar” ustidan erishgan eng yirik g'alabasi esa 2:0 bo'lib turibdi.

2014 yildagi o'yinlarning ikkalasida ham “Paxtakor” zafar quchgan. Toshkentda Igor Sergeev va Boyan Miladinovichning gollariga Baxtiyor Yoqubov javob bergan – 2:1. Namangandagi uchrashuvda ham Miladinovich so'nggi daqiqalarda penaltidan gol urgan va “Paxtakor”ga g'alaba keltirgan – 0:1.

Toshkentda o'tgan so'nggi besh uchrashuv:
20.05.2014  Paxtakor – Navbahor  2:1
03.03.2013  Paxtakor – Navbahor  2:0
21.06.2012  Paxtakor – Navbahor  2:1
15.05.2011  Paxtakor – Navbahor  2:1
21.10.2010  Paxtakor – Navbahor  3:1

O'zaro o'yinlar haqida fakt: “Paxtakor” o'z uyida 17 yildan buyon bu raqibni uzluksiz ravishda mag'lub etib kelmoqda. “Navbahor” oxirgi marta 1997 yilda Toshkentda “Paxtakor”ga yutqazmagan (2:2). “Lochinlar” “sherlar”ni safarda 1995 yilda mag'lub etishgan – 2:1.