Prevyu. "Paxtakor" - "Navbahor"

Paxtakor (Toshkent) – Navbaxor (Namangan)
20 may. Toshkent. "Paxtakor" stadioni. 19:00
Hakamlar: SH. Qosimov (Toshkent), A. Usmonov (Toshkent), T. Gaynulin (Toshkent), I. Garmashov (Toshkent)
Nazoratchi: B. Galeev (Urganch).

Bu ikki klubning yo'llari oliy liga o'yinlarida 44 bor kesishgan. Ustunlik “Paxtakor” tomonida. 27 ta o'yinda “sherlar”ning qo'li baland kelgan bo'lsa, 11 ta uchrashuvda “lochinlar” g'olib bo'lishgan. Olti uchrashuvda g'olib aniqlanmagan. To'plar nisbati “Paxtakor” foydasiga. “SHerlar” shu kunga qadar o'zaro o'yinlarda 77 ta gol kiritib o'z darvozalaridan 35 marta to'p olib chiqishgan. O'zaro o'inlarda “Paxtakor” 87 ochkoni, “Navbahor” esa 39 ochkoni qo'lga kiritgan.

“Paxtakor” oliy ligada “Navbahor” ustidan 7:0 hisobida g'alaba qozongan. Bu o'zaro o'yinlardagi toshkentliklarning eng yirik hisobidir. “Navbahor”ning o'zaro o'yinlardagi “sherlar” ustidan erishgan eng yirik g'alabasi esa 2:0 bo'lib turibdi.

O'tgan yil 1-turda Toshkentda bo'lib o'tgan to'qnashuvda "sherlar" g'olib chiqishgan. Igor Sergeev hamda Jora Oganesyanning gollari "Paxtakor"ga uch ochko keltirgan - 2:0. So'nggi turda Kosonsoyda bo'lib o'tgan uchrashuvda jangovor durang qayd etilgan. Dilshod SHarofetdinov va Jamshid Iskanderovning gollariga mezbonlar ikkinchi bo'limda Ro'zim Ahmedov hamda Abdumalik Abdullaevning goli bilan javob berishgan - 2:2.

Toshkentda o'tgan so'nggi besh uchrashuv:
03.03.2013  Paxtakor – Navbahor  2:0
21.06.2012  Paxtakor – Navbahor  2:1
15.05.2011  Paxtakor – Navbahor  2:1
21.10.2010  Paxtakor – Navbahor  3:1
18.10.2009  Paxtakor – Navbahor  7:0

O'zaro o'yinlar haqida fakt: “Paxtakor” o'z uyida 16 yildan buyon bu raqibni uzluksiz ravishda mag'lub etib kelmoqda. “Navbahor” oxirgi marta 1997 yilda Toshkentda “Paxtakor”ga yutqazmagan (2:2). “Lochinlar” “sherlar”ni safarda 1995 yilda mag'lub etishgan – 2:1.