PREVYU. "Paxtakor" - "Buxoro"

Mazkur uchrashuvda g'alaba qozongan taqdirda "Paxtakor" 10-bor O'zbekiston chempionligini qo'lga kiritish imkoniyatiga ega bo'ladi. CHunki "Lokomotiv" bilan o'zaro o'yinlardagi ustunlik tufayli yana bir yutuq oliy ligadagi muvaffaqiyat uchun etarli bo'ladi. SHu sababli bellashuv "Paxtakor" uchun katta ahamiyatga ega. O'z navbatida buxoroliklar ligada qolish uchun kurash olib borishmoqda. Ular mavsum oxiridagi har bir bahsda ochko to'plash uchun harakat qilishadi.

Jamoalar oliy liga tarixida 43 bor to'qnash kelgan. "Paxtakor" hisobida 30, "Buxoro" hisobida 6 g'alaba mavjud. 7 uchrashuvda durang natija qayd etilgan. Jamoamiz 93 bor to'p kiritgan bo'lsa, raqiblar 31 gol urishgan. Toshkentdagi 21 o'yinning 19tasida "Paxtakor" zafar quchgan. Bir martadan durang va raqib g'alabasi kuzatilgan. Buxoroliklar oxirgi marta Toshkentda 1996 yil ochkoga ega chiqishgan. O'shanda "Buxoro" safardagi yagona g'alabasini nishonlagan. Undan keyin o'tkazilgan 16 uchrashuvning barchasida "sherlar" ustun kelgan.


"PAXTAKOR" - "BUXORO"
Hakamlar: Dmitriy Pislegin (Toshkent), Fayzullo Hasanov (Namangan), Mo'min Majidov (Namangan), Viloyat Najafaliev (Toshkent).
Nazoratchi: Igor Nexochin (Namangan).