Prevyu. "Neftchi" - "Navbahor"

NEFTCHI – NAVBAHOR
4 aprel 2015. Qo'qon. "Markaziy" stadioni. 16:00
Hakamlar: R.Ermatov, M.Saidqosimov, A.Usmanov, A.Ergashev.
Nazoratchi: V.Valickiy.

“Navbahor” va “Neftchi” oliy ligada 46 bor kuch sinashishgan. Ustunlik “Neftchi” tomonida. 23ta o'yinda farg'onaliklar raqibni mag'lub etishgan, 12 uchrashuvda durang natija qayd etilgan. Yana 11ta o'yinda “Navbahor” zafar quchgan. “Neftchi” o'zaro o'yinlarda 72 bor raqib darvozasiga yo'l topa olgan. “Lochinlar” esa 47 bor gol kiritishgan. “Neftchi” o'zaro o'yinlarda 81 ochkoni qo'lga kiritgan bo'lsa, “Navbahor” hisobida 45 ochko mavjud. “Navbahor”ning “Neftchi” ustidan qozongan eng yirik g'alabasi – 3:0 bo'lib turibdi. “Neftchi”ning yirik g'alabasi esa – 4:1.

O'tgan yil Kosonsoyda tashkil etilgan o'yinda ikkala jamoa bittadan gol urishgan. SHukur Po'latov 76-daqiqada hisobni ochgan bo'lsa, bahs yakuniga 4 daqiqa qolganida Jahongir Jiyamurodov muvozanatni tiklagandi – 1:1. “Neftchi” mezbon bo'lgan uchrashuvda esa Sardor Rahmonovning urgan goli farg'onaliklar g'alaba keltirgan – 1:0.

Farg'onada o'tgan so'nggi besh uchrashuv:
15.08.2014 Neftchi - Navbahor 1:0
29.06.2013 Neftchi - Navbahor 2:0
27.08.2012 Neftchi - Navbahor 3:0
30.07.2011 Neftchi - Navbahor 1:1
14.08.2010 Neftchi - Navbahor 4:3

O'zaro o'yinlar haqida fakt: “Neftchi” uyida tashkil etilgan uchrashuvlarning 18tasida uch ochkoni qo'lga kiritgan. 3 marta g'olib aniqlanmagan. Faqat 2 bor “Navbahor” raqib maydonidan muvaffaqiyat bilan ortiga qaytgan. Farg'onada bo'lib o'tgan oxirgi 10ta o'yinda “lochinlar” g'alaba qozona olishmagan.