PREVYU. "Nasaf" - "Qo'qon-1912"

Nasaf (Qarshi) – Qo'qon-1912 (Qo'qon)
2 aprel 2015 yil. Qarshi. "Markaziy" stadioni. 18:00
Hakamlar: V. Kovalenko (Toshkent), A. Rasulov (Toshkent), J. Saidov (Toshkent), R. Lutfulin (Toshkent)
Nazoratchi: S. Ermatov (Toshkent).

“Nasaf” va “Qo'qon-1912” oliy ligada jami 10 bora to'qnash kelishgan. Natijalar “Nasaf”ning ustunligini ko'rsatmoqda. Qarshiliklar 6ta o'yinda g'olib bo'lishgan. “Qo'qon-1912” hisobida 4ta g'alaba bor. Bu jamoalar hozirga qadar umuman durang o'ynashmagan. To'plar nisbatida ham “Nasaf” oldinda - 21:16. O'zaro o'yinlarda “ajdarlar” 18 ochkoni, “Qo'qon-1912” esa 12 ochkoni qo'lga kiritgan.

“Nasaf”ning o'zaro o'yinlarda qozongan eng yirik g'alabasi – 4:0 ga teng. “Qo'qon-1912”da bu ko'rsatkich 3:0ga teng.

Bu jamoalar o'rtasidagi so'nggi o'yinlar 2003 yilgi mavsumda bo'lib o'tgan. O'sha yil ikkala klub o'z maydonidagi bahslarda yirik g'alabaga erishgan. Qarshidagi uchrashuvda Zafar Xolmurodov xet-trikka erishgan. Dilshod Mavlonov bir marta mehmonlar darvozasiga gol urgan – 4:0. Ikkinchi davrada Qo'qonda bo'lib o'tgan o'yinda SHuhrat Rahmonqulov dubl qayd etgan, SHuhrat Yusupov bitta to'p kiritgan – 3:0.

Qarshida bo'lib o'tgan so'nggi besh uchrashuv:
18.06.2003 Nasaf - Qo'qon-1912 4:0
24.08.2002 Nasaf - Qo'qon-1912 4:1
19.04.2000 Nasaf - Qo'qon-1912 3:1
11.09.1999 Nasaf - Qo'qon-1912 3:2
02.10.1998 Nasaf - Qo'qon-1912 4:1

O'zaro o'yinlar haqida fakt: Qarshida bo'lib o'tgan besh o'yindan beshtasida “Nasaf” g'alaba qozongan. “Ajdarlar” o'z maydonlarida ushbu jamoaga har bir uchrashuvda kamida 3tadan gol urishgan.