Prevyu. “Nasaf” – “Metallurg”

Uchrashuv 30 sentyabr kuni Qarshi shahridagi “Markaziy” stadionda soat 18:15da boshlanadi.
 
Navbatdagi uchrashuv jamoalarning o'zaro 38 – uchrashuvi bo'ladi.
 
O'zaro uchrashuvlar tarixidan
 
Mazkur jamoalar milliy chempionatimizda ilk marta  1998 yili tuqnash kelishgan. O'zaro uchrashuvlarning statistikasiga etibor qaratsak, jamoalar milliy chempionatimizda o'zaro 37 marta tuqnash kelishgan. Bo'lib o'tgan 24 o'yinda “Nasaf” jamoasining qo'li baland kelgan. 4 o'yinda durang natija qayd etilgan. Qolgan 9 uchrashuvda bekobodliklar g'alaba qozonishgan. To'plar nisbati bo'yicha “Nasaf” futbolchilari ustunlikni o'z qo'llarida ushlab turishibdi – 64:30.
 
Bu jamoalarning o'tkazilgan to'rt uchrashuvida “ajdarlar” yirik hisobda zafar quchishgan. Eng yirik natija 2004 yil 15 martda Qarshida kechgan bahsda qayd etilgan. Unda “Nasaf” jamoasi raqib darvozasiga javobsiz ettita to'p yo'llashga muvaffaq bo'lgan.
 
Qarshida o'tgan uchrashuvlar haqida
 
Qarshida bo'lib o'tgan 18 uchrashuvning 16tasida “Nasaf” g'alaba qozongan. Bir uchrashuvda durang va yana bir uchrashuvda madanchilar g'alabaga erishgan. Navbatdagisi Qarshi shahridagi 19-uchrashuv sifatida tarixga kiradi.
 
Quyida Qarshida bo'lib o'tgan 18ta  uchrashuvlarning natijalarini etiboringizga havola qilamiz:
 
22.03.1998  “Nasaf”  –  “Metallurg”  2:0
14.08.1999  “Nasaf”  –  “Metallurg”  2:1
14.06.2000  “Nasaf”  –  “Metallurg”  4:3 (2:2)
21.11.2001  “Nasaf”  –  “Metallurg”  2:1
10.03.2002  “Nasaf”  –  “Metallurg”  2:0 (0:0)
07.05.2003  “Nasaf”  –  “Metallurg”  3:1 (2:1)
15.03.2004  “Nasaf”  –  “Metallurg”  7:0 (3:0)
16.10.2005  “Nasaf”  –  “Metallurg”  4:0 (1:0)
26.03.2006  “Nasaf”  –  “Metallurg”  3:2 (0:1)
07.04.2007  “Nasaf”  –  “Metallurg”  3:1 (0:0)
12.04.2008  “Nasaf”  –  “Metallurg”  2:0 (2:0)
03.10.2009  “Nasaf”  –  “Metallurg”  3:0 (0:0)
01.08.2010  “Nasaf”  –  “Metallurg”  2:0 (0:0)
29.05.2011  “Nasaf”  –  “Metallurg”  2:0 (1:0)
21.06.2012  “Nasaf”  –  “Metallurg”  1:0 (0:0)
04.05.2013  “Nasaf”  –  “Metallurg”  3:1 (3:1)
27.04.2014  “Nasaf”  –  “Metallurg”  0:0
15.05.2015  “Nasaf”  –  “Metallurg”  0:1 (0:1)
 
 
Yo'qotishlar haqida
 
Ushbu tur uchrashuvida jamoamizda jiddiy yo'qotishlar bor. Farrux Sayfiev va SHaxboz Erkinovlar “Metallurg”ga qarshi uchrashuvda jamoamizga yordam bera olishmaydi. CHunki bu o'yinchilarimizning olgan sariq kartochkalari soni to'rttaga etgan.
 
Uchrashuv hakamlari
 
“Nasaf” – “Metallurg” uchrashuvini FIFA hakami Vladislav Ceytlin boshchiligidagi toshkentlik hakamlar boshqarib borishadi.
 
Vladislav Ceytlinga qanotlarda Aleksandr Sidorov va Doniyor Saylavovlar yordam berishadi. Zaxira hakami sifatida Igor Gormashev ishlaydi. Uchrashuvda hakamlar ishini Ibrohim SHaripov nazorat qiladi. Buxoro shahridan.
 
Vladislav Ceytlin bu yilgi mavsumda jamoamiz ishtirokidagi quyidagi uchrashuvlarni boshqargan.
 
O'zPFL 2-tur.
“Olmaliq” – “Nasaf” 1:3
 
O'zPFL 6-tur.
“Buxoro” – “Nasaf” 0:2
 
O'zbekiston Kubogi-2016. ½ finali dastlabki uchrashuv
“Nasaf” – “Buxoro” 2:0
 
FIFA referisi - Vladislav Ceytlin bu yilgi futbol mavsumida jamoamiz ishtirokidagi endi to'rtinchi uchrashuvni boshqaradi.
 
Jamoalarning turnir jadvalidagi holati
 
“Nasaf” jamoasi ayni paytda 48 ochko to'plagan holda, turnir jadvalining 3-pog'onasini egallab turibdi. “Metallurg” jamoasi 39 ochko bilan 5-pog'onada bormoqda. O'tgan turda jamoamiz safarda “Qizilqum” bilan jangovor durang qayd etgan bo'lsa, madanchilar o'z maydonida “Buxoro” jamoasiga imkoniyatni boy berishgan.
 
Uchrashuvlarning boshlanish vaqtlari
 
“Nasaf” – “Metallurg” jamoalarining o'rinbosarlari o'rtasidagi uchrashuv 29 sentyabr payshanba kuni Sputnik qo'rg'onidagi yoshlarimiz qarorgohi maydonida soat 16:30da boshlanadi. Jamoalarning asosiy tarkiblari  o'rtasidagi uchrashuv esa, 30 sentyabr juma kuni “Markaziy” stadionda soat 18:15da boshlanadi.