Prevyu. "Nasaf" - "Buxoro"

NASAF – BUXORO
29 mart. Qarshi. “Markaziy” stadion.
Hakamlar: O.Tolibjonov, R.SHoyahmetov, V.Lushin, I.Garmashov
Nazoratchi: A.Popov.

Bu ikki klubning yo'llari oliy liga o'yinlarida 32 bor kesishgan. Ustunlik “Nasaf” tomonida. 32 o'yindan 15tasida qarshiliklarning qo'li baland kelgan bo'lsa, 9 uchrashuvda “Buxoro” g'olib bo'lgan. 8ta uchrashuvda g'olib aniqlanmagan. To'plar nisbati ham “ajdarlar” foydasiga. Qarshiliklar shu kunga qadar o'zaro o'yinlarda 55ta to'p kiritib o'z darvozasidan 37 marta to'p olib chiqishgan. O'zaro o'ynlarda “Nasaf” 53 ochkoni, “Buxoro” esa 35 ochkoni qo'lga kiritgan.

“Nasaf” oliy ligada “Buxoro” ustidan 6:0 hisobida g'alaba qozongan. Bu o'zaro o'yinlardagi “ajdarlar”ning eng yirik g'alabasidir. “Buxoro”ning o'zaro o'yinlardagi “Nasaf” ustidan erishgan eng yirik g'alabasi esa 5:1 bo'lib turibdi.

2013 yil “Nasaf” maydonida bo'lib o'tgan bahsda Alisher Yusupov, Ilhom SHomurodov va Alisher Yusupov to'p kiritishgan. Hozir “Bunyodkor”da o'ynayotgan Vohid SHodiev “Buxoro” safida qarshiliklarni ranjitgan – 3:1. Qizig'i SHodiev Buxorodagi o'yinda ham gol urgan. Biroq “ajdarlar” undan oldin 5 bor to'p kiritishgandi. Azamat Allaniyozov, SHuhrat Muhammadiev, Artur Gevorkyan, Ilhom SHomurodov va Farrux Sayfiev “Nasaf” tarkibida o'zini ko'rsatgandi.

Qarshida o'tgan so'nggi besh uchrashuv:
16.03.2013  Nasaf – Buxoro  3:1
08.08.2012  Nasaf – Buxoro  3:0
18.09.2011  Nasaf – Buxoro  3:0
05.11.2009  Nasaf – Buxoro  4:2
22.09.2008  Nasaf – Buxoro  0:0

O'zaro o'yinlar haqida fakt : “Buxoro” klubi o'z tarixida “Nasaf” maydonida kechgan 16ta bahsning hech birida g'alaba qozona olmagan. 12ta uchrashuvda “Nasaf” g'olib bo'lgan va faqat 4 o'yin durang bilan tugagan. Qarshida kechgan so'nggi uchta o'yinda “Buxoro” o'z darvozasidan uchtadan gol o'tkazgan. 

Muallif taxmini: "Buxoro"ning Qarshidagi g'alabasiz seriyasi davom etishi mumkin. "Nasaf" o'z uyida g'alaba qozonishga yaqin.


Narzulla Saydullaev