PREVYU. METALLURG – OLMALIQ

Metallurg (Bekobod) – Olmaliq (Olmaliq)
3 avgust. Bekobod. “Metallurg” stadioni. 17:30.
Hakamlar: A. Asimov (Toshkent), R. G'opurov (Namangan), R. Fozilov (Namangan), R. Tolibjonov (Farg'ona).
Nazoratchi: G'. Karimov (Toshkent).

Bu jamoalar shu kunga qadar o'zaro 13 marta kuch sinashishgan. Natijalar “Olmaliq”ning ustunligini ko'rsatmoqda. Olmaliqliklar 12 bahsning 7tasida g'alaba qozonishgan. 5 uchrashuvda “Metallurg”ning qo'li baland kelgan. Bitta o'yinda esa durang qayd etilgan. To'plar nisbati ham tabiiyki “Olmaliq” foydasiga 28-24. O'zaro o'inlarda “Olmaliq” 22 ochoni qo'lga kiritgan bo'lsa, “Metallurg” 16 ochkoga ega bo'lgan.

“Olmaliq”ning “Metallurg” ustidan qozongan eng yirik g'alabasi – 4:1. “Metallurg”ning “Olmaliq” ustidan qozongan eng yirik g'alabasi esa – 4:3 ni tashkil etadi.

Birinchi turda Olmaliq shahridagi yangi stadionda kechgan o'yinda mezbonlar 3:2 hisobida zafar quchishgan. “Metallurg” tarkibida SHahzodbek Nurmatov va Sunnatilla Mamadaliev tomonidan urilgan gollarga maydon egalari safida Dilyaver Abibullaev, SHerzod Hakimov va Diyor Turopov javob berishgan.  

Bekobodda o'tgan barcha uchrashuvlar:
31.05.2013 Metallurg - Olmaliq 2:1
04.09.2012 Metallurg - Olmaliq 4:3
09.09.2011 Metallurg - Olmaliq 4:3
24.04.2010 Metallurg - Olmaliq 1:0
05.11.2009 Metallurg - Olmaliq 3:2
13.11.2008 Metallurg - Olmaliq 1:1

O'zaro o'yinlar haqida fakt: “Metallurg” o'z uyida bu raqibga qarshi bo'lib o'tgan o'yinlarda umuman mag'lub bo'lmagan. Oltita o'yinning faqat bittasiga “Olmaliq” safardan bir ochko bilan qayta olgan. Etiborlisi “Metallurg”ning barcha g'alabasi faqat bitta to'p farqi bilan bo'lgan.