PREVYU. LOKOMOTIV – NAVBAHOR

Lokomotiv (Toshkent) – Navbahor (Namangan)
4 avgust. Toshkent. “TTYMI” stadioni. 19:00
Hakamlar: B. Namozov (Toshkent), O. Abduvasilov (Toshkent), N. Ro'zimov (Toshkent), A. Rubakov (Toshkent).
Nazoratchi: S. Najafaliev (Toshkent).

“Navbahor” hamda “Lokomotiv” oliy ligada jami 19 bora to'qnash kelishgan. “Lokomotiv” 8 marta, “lochinlar” 7 marta g'olib chiqqan, 4ta bahsda durang natijasi qayd etilgan. To'plar nisbati “Navbahor” foydasiga 29:25ni tashkil qilmoqda. O'zaro o'yinlarda “Loko” 28, “Navbahor” 25 ochkoni qo'lga kiritishgan.

“Navbahor”ning “Lokomotiv” ustidan qozongan yirik g'alabasi – 6:2. “Temiryo'lchilar”ning o'zaro o'yinlarda namanganliklar ustidan qozongan eng yirik g'alabasi 3:0.

Birinchi turda Kosonsoyda bo'lib o'tgan o'yinda “temiryo'lchilar” muvaffaqiyat qozonishgan. Birinchi bo'limga qo'shib berilgan daqiqada Ivan Nagaev mezbonlarni mag'lub etishga etarli bo'lgan to'pni kiritgandi – 0:1.  

Toshkentda o'tgan so'nggi besh uchrashuv:
03.11.2013 Lokomotiv - Navbahor 3:0
25.10.2012 Lokomotiv - Navbahor 3:0
24.04.2010 Lokomotiv - Navbahor 1:3
03.10.2009 Lokomotiv - Navbahor 2:0
28.08.2008 Lokomotiv - Navbahor 3:2

O'zaro o'yinlar haqida fakt: “Lokomotiv” o'z maydonida bo'lib o'tgan 9ta o'yinning 6tasida g'olib chiqqan. Ikki marta g'olib aniqlanmagan bo'lsa, “Navbahor” safarda faqat bir bor muvaffaqiyat qozongan. 2010 yilgi mavsumda “lochinlar” Toshkentdan 3:1 hisobidagi g'alaba bilan qaytishgan. Oxirgi ikki yilda “Navbahor” safarda bu raqibga mag'lub bo'lgan.