Prevyu. "Bunyodkor" - "Neftchi"

Bunyodkor (Toshkent) – Neftchi (Farg'ona)
2 may. Toshkent. “Bunyodkor” stadioni. 18:00
Hakamlar: V. Kovalenko (Toshkent), A. Usmonov (Toshkent), A. Kalinin (Toshkent), SH. Qayumov (Jizzax)
Nazoratchi: S. Najafaliev (Toshkent).

“Bunyodkor” va “Neftchi” oliy ligada 16 marta o'zaro o'ynashgan. Natijalar “qaldirg'ochlar”ning katta ustunligini ko'rsatmoqda. “Bunyodkor” bu raqibni 11 marta taslim qilgan. “Neftchi” esa faqat 1 marta “qaldirg'ochlar”ni ochkosiz qoldira olgan. 4ta o'yinda durang qayd etilgan. To'plar nisbatida ham tabiiyki ustunlik “Bunyodkor” tomonida - 26:6. O'zaro o'yinlarda “Bunyodkor” 37, “Neftchi” 7 ochkoga ega bo'lgan.

“Bunyodkor”ning o'zaro o'yinlarda qozongan eng yirik g'alabasi – 5:0ga teng. “Neftchi”ning yagona va shu bilan birga eng yirik g'alabasi 2:1.

O'tgan yilgi har ikkala o'yinda ham durang qayd etilgan. Toshkentdagi uchrashuvda Timur Ayupov hisobni ochgandi. Unga farg'onaliklar tarkibida Murod Bobojonov javob qaytargandi – 1:1. Farg'onadagi bahsda esa tomonlar raqib darvozasiga yo'l topa olishmagandi – 0:0.

Toshkentda bo'lib o'tgan so'nggi besh uchrashuv:
05.06.2014 Bunyodkor - Neftchi 1:1
26.08.2013 Bunyodkor - Neftchi 1:0
18.08.2012 Bunyodkor - Neftchi 2:1
15.10.2011 Bunyodkor - Neftchi 1:0
02.05.2010 Bunyodkor - Neftchi 1:0

O'zaro o'yinlar haqida fakt: “Bunyodkor” o'z uyida bu raqibga umuman yutqazmagan. Ikki marta Toshkentdagi bahsda durang qayd etilgan (2007 va 2014 yillar). Qolgan 6ta o'yinda “qaldirg'ochlar” o'z maydonlarida muntazam ravishda g'alabaga erishib kelishmoqda. “Neftchi” safarda bu jamoa darvozasiga 3ta gol urgan.