Prevyu. "Andijon" - "Mashal"

ANDIJON – MASH'AL
29 mart. Andijon “Sog'lom Avlod” stadioni. 16:00
Hakamlar: H.Ro'ziev, A.Usmonov, T.Gaynulin, O.To'ychiboev
Nazoratchi: I.Mustafin.

Oliy liganing bu ikki klubi o'zaro 24 bor kuch sinashishgan. Natijalar “Mashal”ning ustunligini ko'rsatmoqda. Muborakliklar 14 o'ynda g'alaba qozonishgan, 3 uchrashuv durang bilan yakunlangan. “burgutlar” esa bugunga qadar raqibni 7 bor mag'lub eta olishgan. To'p kiritish borasida ham ustunlik “Mashal” tomonida – 34:31. O'zaro o'ynlarda “Mashal” 45, “Andijon” esa 24 ochkolik bo'lgan.

“Andijon”ning “Mashal” ustidan qozongan eng yirik g'alabasi – 4:0. Qizig'i “Mashal”ning ushbu raqib ustidan qozongan eng yirik g'alabasi ham 4:0.

O'tgan mavsum ikkala jamoa oliy ligada qatnashmagan. 2012 yilgi o'zaro o'yinlarda mezbon jamoa g'olib chiqqan. Vodiydagi bahsda Rustam Azamov, Vladimir SHishelov (ikkita) va Bahrom Abdurahimovning gollari “burgutlar”ga yirik g'alaba keltirgandi – 4:0. Muborakdagi o'yinda Mirzohid G'ofurovning darvozaga urgan goli “Mashal”ning g'alabasini taminlagan – 1:0.

Andijonda o'tgan so'nggi besh uchrashuv:
19.05.2012  Andijon – Mashal  4:0
02.04.2011  Andijon – Mashal  4:0
26.10.2010  Andijon – Mashal  1:1
07.09.2009  Andijon – Mashal  4:1
08.08.2008  Andijon – Mashal  2:0

O'zaro o'yinlar haqida fakt: “Andijon” o'z uyida 7 marta g'olib chiqqan, 2 bor durang o'ynagan. “Gazchilar” vodiydan uch bor uch ochko bilan qaytishgan. So'nggi bor bunday holat 2007 yilgi mavsumda qayd etilgan. SHundan so'ng bo'lib o'tgan 5ta o'yinda muborakliklar safarda g'alaba qozona olishmagan. Oxirgi ikki uchrashuvda “burgutlar” o'z maydonlarida bir xil 4:0 hisobida muvaffaqiyatga erishishgan. 

Muallif taxmini: Mavsumda hali gol urmagan "Andijon" bugun g'alaba qozonishi mumkin.


Narzulla Saydullaev.