Portugaliyalik jurnalist: "Ronaldu dunyoning eng yomon diktaturasi uchun foydali ahmoqqa aylandi"

Siyosiy fanlar magistri Enrike Raposo Portugaliya terma jamoasi sardori Krishtian Ronalduning Saudiya Arabistoni klubi bo'lmish "Al Nassr"ga o'tishi haqida quyidagi fikrlarni bildirdi.

"Muammo dunyodagi eng yomon diktatura uchun foydali ahmoqqa aylangan Ronaldudan boshlanadi, u boshqalar uchun ham diktaturaning foydali ahmog'i bo'lish imkoniyatlarini ochib berdi.

U erda Muhammad ibn Salmon al Saud (Saudiya Arabistoni bosh vaziri) degan inson bor. U mahalliy rahbarlardan hokimiyatni tortib olib, Saudiyani o'ziga xos Evropa tipidagi markazlashgan diktaturaga aylantiradi. Buni evaziga u ayollarga bazi huquqlarni berdi, ammo xohlasa bir necha yildan so'ng qaytarib olishi mumkin.

Futbol yulduzlari, bolalar uchun namuna bo'ladiganlar diktatura uchun foydali ahmoqqa aylanayotganini ko'rish biroz alamli. Evropada 5, 6, 10 mln. evro ishlab topayotganlarga 50, 60, 70 mln. evro taklif qilishyapti.

Evropadagi yoshlarning ahvoliga qarang, ular umidsiz. Ishchilar toifasida ishyo'q. Franciyadagilarning umidsizlanayotganiga boqing. Echimi yo'q vaziyatda qolayotgan millionlar yoshlar fonida 60 mln. evro topayotgan futbolchini muhokam qilish biroz syurrealik" - dedi Raposo.