Plyaj futboli. Hamyurtimiz boshqargan o'yinda Braziliya g'olib bo'ldi

Hal qiluvchi final uchrashuvida Braziliya terma jamoasi rossiyalik “plyajchilar”dan 3:2 hisobida ustun keldi.

Qo'shimcha bo'limda Bruno SHaver tomonidan kiritilgan gol braziliyaliklarga Qitalararo chempionlik unvonini taqdim etdi

Etiborliisi, Braziliya va Rossiya terma jamoalari o'rtasida o'tkazilgan hal qiluvchi final uchrashuvini hamyurtimiz mamlakatimizdagi plyaj futboli bo'yicha yagona FIFA referisi Baxtiyor Namozov boshqardi.

Takidlash lozim, Namozov ketma-ket uchinchi marotaba Qitalararo Kubokning hal qiluvchi final o'yinida hakamlik qildi. Bu yilgi musobaqada Namozov finaldan tashqari, guruh bosqichida Eron – Portugaliya (bosh hakam), Yaponiya – Rossiya (zaxira hakami) va yarim finalda Portugaliya – Braziliya (bosh hakam) uchrashuvlarida ham hakamlik qildi.