Platini Germaniyani JCH-2014dagi g'alabasi bilan tabrikladi
15 iyu 2014 11:25
Yangiliklar

Platini Germaniyani JCH-2014dagi g'alabasi bilan tabrikladi

UEFA prezidenti Mishel Platini Germaniya terma jamoasini JCH-2014dagi g'alabasi bilan tabriklar ekan, Braziliyadagi mundial tashkilotchilik borasida yuqori saviyada o'tganini qo'shimcha qildi.

“Germaniya terma jamoasini ajoyib g'alaba bilan tabriklayman. Dunyoga mashhur “Marakana” stadionida Argentina ustidan tarixiy g'alaba qo'lga kiritildi. CHunki, hali Evropa jamoasi Amerika hududida o'tgan mundiallarda chempionlik shohsupasiga ko'tarilmagan edi. Bu Bundestim uchun ulkan muvvafaqiyat.

UEFA jamoasi ketma-ket uch marotaba jahon chempioni bo'lgan birinchi konfederaciyaga aylandi. 2010 yili Ispaniya, 2006 yili Italiya terma jamoasi dunyoning tengsiz jamoasi nomini qo'lga kiritgan edi.

SHuningdek, ajoyib tashkilotchilik uchun Braziliya hukumatiga ham minnatdorchilik izhor qilaman. Stadionlardagi muhit kutilganidan ham yuqori bo'ldi. Bir oy davomida unutilmas Janubiy Amerika karnavaliga guvoh bo'ldik”, - dedi Evropa futboli rahbari UEFA rasmiy saytiga bergan intervyusida.

Havola :

Manba : olamsport.com

Yangiliklarni Telegramda o'qing!

Reyting: