Pike: "Barselona" "Atletiko"ga qarshi birinchi o'yinda yarim final masalasini hal qilmoqchi"

"Ertangi bahs juda muhim. Unda yarim final masalasini hal qilmoqchimiz. "Atletiko"dek raqibga jamoamiz nega barcha sovrinlarni yutayotganini ko'rsatishimiz lozim. Ertaga plankani yanada teparoq ko'tarish imkoni bo'ladi.

Bu bahs borasida shubhalar yo'q. G'alaba qozonishimizga ishonaman. Finalda o'ynash uchun bor imkoniyatimizni ishga solamiz. O'z kuchimizga ishonamiz, chunki jamoamizda jahonning eng yaxshi futbolchilari to'p tepadi.

CHempionlar ligasi juda qiyin turnir. Barcha uchrashuvlarda g'olib bo'lish oson emas. Biz yana bir "oltin xet-trik" qayd etishga harakat qilamiz.

Endi "Ateltiko"ga qarshi bahsga oldingidanda boshqacha tayyorgarlik ko'ramiz. O'zimizni yaxshi his qilyapmiz" - deydi Pike.