PFL “So'g'diyona” va “Metallurg” klublarini Superligadan chetlatishi mumkin

Aynan shu reglamentga muvofiq klublarni licenziyalash bo'yicha PFL ishchi guruhi 4 dekabr kuni “So'g'diyona” va 12 dekabr kuni “Metallurg” futbol klublarida belgilangan talablarning bajarilishi yuzasidan monitoring o'tkazdi.

O'rganishlar jarayonida ikkala futbol klublari stadionlari maydonining talab darajasida emasligi, maydon yoritish tizimini mutaxassislarni jalb etgan holda sozlash kerakligi, stadiondagi o'rindiqlar, futbolchilarning kiyinish xonalari, hakamlar va komissar xonalari tamirtalab holatga kelib qolganiligi, futbol akademiyasini tashkil etish choralari ko'rilmagani, moliyaviy qarzdorliklarni bartaraf etilmagani, shuningdek, “So'g'diyona” stadionida OAV hodimlari uchun etarlicha sharoitning mavjud emasligi aniqlandi.

Takidlash lozim, “So'g'diyona” va “Metallurg” futbol klublari tomonidan mazkur kamchiliklar joriy yil 25 dekabr sanasiga qadar bartaraf etish choralari ko'rilmasa, O'zbekiston Professional futbol ligasining klublarni licenziyalash bo'yicha ishchi guruhi xulosasiga asosan futbol klublarini kelasi mavsum uchun Superligadan chetlashtirish masalasi ko'rib chiqilishi yuzasidan “So'g'diyona” va “Metallurg” futbol klublari jiddiy ogohlantirildi.

PFL "Buxoro"ni Superligadan chetlashtirishi mumkin