Peter Bosh: "Inter"da yaxshi jamoa bor, ammo biz ulardan o'tishimiz mumkin"
10 avg 2020 12:00
Yangiliklar

Peter Bosh: "Inter"da yaxshi jamoa bor, ammo biz ulardan o'tishimiz mumkin"

"Bayer" bosh murabbiyi Peter Bosh Evropa Ligasi chorak finali doirasidagi "Inter"ga qarshi o'yin oldidan o'z fikrlarini bildirdi.

"Arangisning yo'qligini bildirmaslikka harakat qilamiz. CHarlining ushbu o'yinni o'tkazib yuborishi achinarli, sababi u juda yaxshi va muhim o'yinchidir. Ammo, oldin bo'lganidek u maydonga tusha olmagan payt, CHarlining o'rniga munosib futbolchini topamiz deb o'ylayman.

Biz hech kimdan qo'rqmaymiz, ammo raqiblarni doim hurmat qilamiz va "Inter" kuchli jamoa ekanligini ham bilamiz. Biz buni A Seriyada va albatta Evropa Ligasida ham ko'rdik. Xullas ularda yaxshi jamoa bor, ammo biz ulardan o'tishimiz mumkin. Bizda har o'yinda gol uradigan jamoa bor", - deydi Bosh.

Eslatib o'tamiz, Evropa Ligasi doirasidagi "Inter" - "Bayer" o'yini bugun Toshkent vaqti bilan soat 00:00da Dyusseldorfda boshlanadi.

Havola :

Manba : uefa.com

Yangiliklarni Telegramda o'qing!

Reyting: +1