"Paxtakor"ning mavsumdagi ko'rsatkichlari

30-turdagi raqib "Obod" oliy ligadan chetlatilgani bois ushbu bellashuvda "Paxtakor"ga texnik g'alaba yoziladi. SHu sababli jamoa mavsumni tugatib ulgurdi. Joriy yil "sherlar" bronza medallarini qo'lga kiritishdi.

59 ochko to'plagan "Paxtakor" ikkinchi marta uchinchi o'rin sohibiga aylandi. Uydagi o'yinlarning 13tasida jamoa g'alabaga erishgan bo'lsa, safardagi 15 uchrashuvning 5tasida zafar quchilgan. Durang natijalarning barchasi safarda qayd etilgan. Uyda ikki bor mag'lubiyat qayd etilgan. Mavsumda raqiblar jami 7 marta kuchliroq bo'lishgan.

44 to'p kiritgan "sherlar" o'z darvozasidan 28 gol o'tkazib yuborgan. Igor Sergeev 13 to'p kiritgan holda jamoa to'purariga aylandi. Tiago Bezerra esa 8 bor jamoadoshlariga gol urish imkoniyatini taqdim etgan holda bu borada eng yaxshi natijani qayd etdi.

13 uchrashuvda "Paxtakor" raqiblariga gol urish imkonini bermagan.

Maydonda eng vaqt o'tkazgan futbolchi Vladimir Kozak bo'lib, u 29 o'yinda 2496 daqiqa davomida o'ynagan. Undan keyingi natija darvozabon Aleksandr Lobanov tomonidan qayd etildi. Sasha 2430 daqiqa davomida uchrashuvlarda darvozani qo'riqladi.