"Paxtakor" yirik g'alabaga erishgan o'yinda Lobanov bir yo'la ikki marta penalti qaytardi

Turkiya uchinchi liga ishtirokchisi "Turgutluspor"ga qarshi maydonga tushgan "sherlar" 3:0 hisobida zafar quchishdi. Birinchi bo'limda to'liq tashabbusga ega bo'lgan "sherlar" ko'plab qulay vaziyatlarni yuzaga keltirishdi. 12-daqiqada Kozak raqib darvozasini ishg'ol qildi. Keyingi daqiqada Bezerraning faol harakatidan so'ng Masharipov ikkinchi to'p muallifiga aylandi. Bo'lim oxirigacha "Paxtakor" futbolchilari bir qator imkoniyatlardan foydalana olishmadi.

Ikkinchi bo'limda tarkibda o'zgarishlar yuzaga keldi. Lobanov ikki marta "Turgutluspor" azolarining penaltidan tepgan to'plari yo'liga g'ov bo'lib, mahoratini namoyish qildi. 84-daqiqada Sayfiev o'yinda hisobni yirik ko'rinishga keltirdi.

Navbatdagi nazorat bellashuvini "Paxtakor" 11 yanvar kuni Turkiya ikkinchi ligasi vakili "SHanliurfaspor" jamoasi bilan o'tkazadi.

"PAXTAKOR" - "TURGUTLUSPOR" - 3:0 (2:0)

"Paxtakor": Suyunov (Lobanov, 46), Kozak, Simich (Andreev, 63), Azamov, SHorahmedov (Sayfiev, 63), Rahmatullaev (Ismatullaev, 63), Ahmedov (Ahmadov, 63), Masharipov (Ibrohimov, 63), Iskanderov (Sindarov, 63), Abdurahimov (G'anixonov, 63), Bezerra (Hakimov, 63).

Gollar: Kozak 12, Masharipov 13, Sayfiev 84.