"Paxtakor" - "Olmaliq" o'yiniga tashrif buyuruvchilar uchun malumot

Uchrashuvni "Paxtakor" stadionida kuzatishni istagan muxlislar va jurnalistlar uchun quyidagi malumotni taqdim etamiz:

- O'yinga tashrif buyuruvchi ishqibozlar stadionga kirish joyida sotib olgan chiptalarini stadion xodimlari tomonidan tekshiruvdan o'tkazadilar. O'sha erning o'zida chiptaning bir qismi yirtib olinadi va maxsus idishga tashlanadi. SHu tariqa ishqiboz tanaffus vaqtida o'tkaziladigan yutuqli o'yin ishtirokchisiga aylanadi. CHiptalarni stadion kassalaridan 2000 so'mdan xarid qilishingiz mumkin. Baxtli muxlislar futbol to'plari, DVD pleer, 2ta LED televizorlari va 2 dona I Phone 5 S telefonlari va jamoa atributkalari sohibiga aylanish imkoniyatiga egalar.

- O'yinga tashrif buyuruvchi OAV xodimlari o'zlari bilan PFL tomonidan 2014 yilgi O'zbekiston chempionati va Kubogi uchrashuvlariga kirish huquqini beruvchi akkreditaciya kartochkalarini olib kelishlari shart. Boshqa turdagi akkreditaciya yoki guvohnoma bilan stadionga kirishga yo'l qo'yilmaydi. Ushbu ko'rsatmaga amal qilish sizni noqulay ahvolga tushishdan asraydi. OAV vakillari uchun "Paxtakor" stadioniga kirish O'FF binosi joylashgan darvozadan bo'ladi.

"Paxtakor" - "Olmaliq" o'yinidan oldin koncert dasturi soat 16:45da boshlanadi. Dastlab mashhur sanatkorlarning chiqishlaridan bahramand bo'lasiz. SHou dasturdan keyin esa jamoalar maydonga taklif etilishadi. Bellashuv soat 17:30da start oladi.