O'zbekiston U-23 - Qatar U-23. Ravshan Haydarov jamoasi rasmiy mashg'ulot o'tkazdi FOTOGALEREYA
08 jan 2018 12:55
Yangiliklar

O'zbekiston U-23 - Qatar U-23. Ravshan Haydarov jamoasi rasmiy mashg'ulot o'tkazdi FOTOGALEREYA

U-23 yoshlar o'rtasidagi Osiyo chempionatida ishtirok etuvchi O'zbekiston olimpiya terma jamoasi kecha CHangjou shahridagi markaziy stadionda rasmiy mashg'ulot o'tkazdi.

OFK rasmiylari stadionni Osiyo chempionati 1-tur bahsiga tayyorlash maqsadida katta hajmdagi ish olib borishmoqda. SHu bois, OFK terma jamoalarga rasmiy mashg'ulot o'tkazish uchun uchrashuvdan ikki kun oldin ruxsat bergan. Bu haqda O'FF rasmiy sayti xabar berdi.

Ravshan Haydarov bosh murabbiyligidagi terma jamoa kecha mahalliy vaqt bilan soat 20:00da uchrashuv bo'lib o'tadigan stadionda rasmiy mashg'ulot o'tkazdi. Bugun terma jamoalar rasmiylari ishtirokida miting bo'lib o'tadi.

Eslatib o'tamiz, O'zbekiston Olimpiya terma jamoasi Osiyo chempionatidagi dastlabki uchrashuvni 9 yanvar kuni Qatar terma jamoasiga qarshi o'tkazadi. O'yin Toshkent vaqti bilan soat 16:30da boshlanadi.

Quyida rasmiy mashg'ulotdan olingan rasmlarni tomosha qiling.