O'zbekiston U-19 terma jamoasi Toshkent yig'inini 18 nafar futbolchi bilan boshladi

O'zbekiston U-19 yoshlar terma jamoasi bosh murabbiyi Ravshan Haydarov mazkur yig'inga jami 18 nafar futbolchini jalb etgan. Eslatib o'tamiz, 1995 va undan keyingi yillarda tug'ilgan O'zbekiston U-19 yoshlar terma jamoasi Toshkentda to'rt kun davomida mashg'ulot olib boradi va 6 iyul kuni Vengriyaga uchib ketadi.

Vengriyada 12 iyul kuniga qadar yig'in o'tkazadigan Ravshan Haydarov shogirdlari 8 va 11 iyul kunlari Vengiya U-19 yoshlar terma jamoasiga qarshi ikkita o'rtoqlik o'yinida maydonga tushadi. Ikkala o'yin ham Budapeshtdagi Global Sport majmuasida bo'lib o'tadi.

Malumot uchun, 21 iyun kuni O'zbekiston U-19 yoshlar terma jamoasi murabbiylar shtabida o'zgarish yuz bergan va unga ko'ra Ravshan Haydarov O'zbekiston U-19 yoshlar terma jamoasiga bosh murabbiy etib tayinlangan edi.

Eslatib o'tamiz, 1995 va undan keyingi yillarda tug'ilan O'zbekiston U-19 yoshlar terma jamoasi shu yilning oktyabr oyida Myanmada bo'lib o'tadigan Osiyo CHempionati final bosqichida ishtirok etadi.

O'zbekiston U-19 yoshlar terma jamoasining Toshkentdagi yig'iniga jalb etilgan futbolchilari ro'yxati:

#	Futbolchi	Tug'ilgan yili	Klub
Darvozabonlar
1	Dilshod Hamroev	1995	Qizilqum
2	Sarvar Karimov	1996	Lokomotiv
Himoyachilar
3	Akrom Komilov	1996	Bunyodkor
4	Odil Hamrobekov	1996	Nasaf
5	Ibrohim Abdullaev	1996	Paxtakor
6	Rustam Ashurmatov	1996	Qo'qon-1912
7	Doston Tursunov	1995	Neftchi
8	Firdavs Abdusalimov	1995	Dinamo
Yarim Himoyachilar
9	Javohir Sohibov	1996	Paxtakor
10	Jamshid Boltaboev	1996	Paxtakor
11	Mirjamol Qosimov	1995	Bunyodkor
12	Sardor Azimov	1995	Bunyodkor
13	Javohir Siddiqov	1996	Paxtakor
14	Izzat Abdullaev	1996	Paxtakor
Hujumchilar
15	Doston Hamdamov	1996	Bunyodkor
16	Zabihillo O'rinboev	1995	Bunyodkor
17	Eldor SHomurodov	1995	Mashal
18	Asliddin Abdiev	1995	Mashal