O'zbekiston U-16 o'smirlar termasi Ummonga qarshi ikkinchi o'yinda mag'lub bo'ldi

Ayni kunlarda Toshkentda o'zining navbatdagi o'quv-mashg'ulot yig'inini o'tkazayotgan Aleksandr Mochinov bosh murabbiyligidagi O'zbekiston U-16 o'smirlar terma jamoasi rejaga muvofiq bugun Toshkentda Ummon U-16 o'smirlar terma jamoasiga qarshi ikkinchi o'rtoqlik o'yinida maydonga tushdi. 9 iyul kuni har ikki terma jamoa o'rtasida dastlabki o'yin o'tkazilgan va unda o'zbekistonliklar 2:0 hisobida g'alaba qozonishgan edi.

Qiziqarli kechgan uchrashuvning birinchi bo'limda O'zbekiston o'smirlar termasi g'alaba qozondi. Biroq Jonibek Ko'chimov tomonidan 23-daqiqada penaltidan urilgan gol jamoa muvaffaqiyati uchun etarli bo'lmadi. Ikkinchi taymda tashabbusni o'z qo'liga olgan ummonlik futbolchilar ikki gol bilan javob berishdi va g'alaba qozonishga muvaffaq bo'lishdi.

O'rtoqlik uchrashuvi.
Toshkent, JAR stadioni. 11 iyul.
O'zbekiston U-16 – Ummon U-16 1:2 (1:0)
Gollar: Jonibek Ko'chimov (23, penalti).