O'zbekiston U-16 bugun Ummon o'smirlariga qarshi ikkinchi uchrashuvini o'tkazadi

Toshkentda yig'in o'tkazayotgan O'zbekiston U-16 o'smirlar terma jamoasi bugun JAR stadionida Toshkentga bir haftalik yig'in o'tkazish uchun tashrif buyurgan Ummon U-16 o'smirlar termasiga qarshi ikkinchi o'rtoqlik uchrashuvini o'tkazadi.

Eslatib o'tamiz, terma jamoalar o'rtasidagi ilk o'rtoqlik uchrashuvi 9 iyul kuni bo'lib o'tgan va unda Aleksandr Mochinov shogirdlari 2:0 hisobida g'alaba qozongan edilar. O'zaro kelishuvga ko'ra, terma jamoalar 11 iyul kuni JAR stadionida ikkinchi bor o'zaro o'ynaydilar. Uchrashuv Toshkentdagi JAR stadionida soat 18:30da boshlanadi.

Eslatib o'tamiz, mazkur yig'in Alesandr Mochinov bosh murabbiyligidagi O'zbekiston U-16 o'smrlar terma jamoasi uchun shu yilning 6-20 sentyabr kunlari Tailandda bo'lib o'tadigan U-16 o'smirlari o'rtasidagi Osiyo CHempionatiga tayyorgarlik bosqichidan o'rin olgan.