O'zbekiston U-16 bugun Ummon o'smirlari bilan ilk o'rtoqlik o'yinida maydonga tushadi
09 iyu 2014 10:38
Yangiliklar

O'zbekiston U-16 bugun Ummon o'smirlari bilan ilk o'rtoqlik o'yinida maydonga tushadi

Toshkentda yig'in o'tkazayotgan 1998 va undan keyingi yillarda tug'ilgan O'zbekiston U-16 o'smirlar terma jamoasi 9 iyul kuni Toshkentdagi JAR stadionida Ummon U-16 o'smirlar terma jamoasiga qarshi maydonga tushadi.

Ayni kunlarda Toshkentda o'zining navbatdagi o'quv-mashg'ulot yig'inini o'tkazayotgan Aleksandr Mochinov bosh murabbiyligidagi O'zbekiston U-16 o'smirlar terma jamoasi rejaga muvofiq, bugun Toshkentda Ummon U-16 o'smirlar terma jamoasiga qarshi o'rtoqlik o'yinida maydonga tushadi.

Avvalroq, Ummon U-16 o'smirlar terma jamoasining Toshkentga tashrif buyurgani va bu erda bir hafta davomida yig'in o'tkazishi haqida xabar bergan edik. O'zaro kelishuvga muvofiq O'zbekiston va Ummon o'smirlar terma jamoalari 9 va 11 iyul kunlari Toshkentda o'zaro ikkita o'rtoqlik uchrashuvini o'tkazadilar.

Har ikkala o'yin ham Toshkentdagi JAR stadionida o'tkazilishi rejalashtirilgan. Har ikkala uchrashuv ham soat 18:30da boshlanadi.

Havola :

Manba : the-uff.com

Yangiliklarni Telegramda o'qing!

Reyting: