O'zbekiston MTJ Jiddaga etib bordi. 24 va 28 mart kunlari Janubiy Amerika vakillariga qarshi o'rtoqlik o'yinlari o'tkaziladi

Srechko Katanec shogirdlari u erda ikkita o'rtoqlik uchrashuvida qatnashadi:

24 mart

O'zbekiston – Boliviya

28 mart

O'zbekiston – Venesuela

Avvalroq, O'FA Farruh Sayfiev kichik jarohati sababli, Hojimat Erkinov esa tiklanish mashg'ulotlari ustida ishlayotgani bois Saudiya Arabistonida bo'lib o'tadigan o'quv-mashg'ulot yig'inlarini o'tkazib yuborishi haqida malumot bergandi. Olimpiya terma jamoasiga chaqirilgan Ibrohimhalil Yo'ldoshev MTJ safiga borib qo'shilgan va U-23 termasida uning o'rni “Olimpik” himoyachisi Ahmadullo Muqumjonov bilan to'ldirilgan.

Saudiya Arabistoniga kelgan tarkib:

Darvozabonlar — Abduvohid Nematov ("Nasaf"), Valijon Rahimov (OKMK), O'tkir Yusupov ("Navbahor")

Himoyachilar — Rustam Ashurmatov ("Rubin"), Husniddin Aliqulov ("Nasaf"), Hojiakbar Alijonov ("Paxtakor"), Alibek Davronov ("Nasaf"), Umar Eshmurodov ("Nasaf"), Abdulla Abdullaev (AGMK), SHerzod Nasrullaev ("Nasaf"), Saidazamat Mirsaidov ("Olimpik"), Ibrohimhalil Yo'ldoshev ("Pari NN")

Yarim himoyachilar — Odil Hamrobekov ("Paxtakor"), Aziz G'aniev ("SHabab Al Ahli", BAA), Otabek SHukurov ("Fotih Karagyumruk", Turkiya), Aziz Turg'unboev ("Paxtakor"), Oston O'runov ("Navbahor"), Jamshid Iskanderov ("Navbahor"), Jaloliddin Masharipov ("Al Nassr", Saudiya Arabistoni), Sardor Sobirxo'jaev ("Paxtakor")

Hujumchilar — Jasur Yaxshiboev ("Navbahor"), Eldor SHomurodov ("Speciya", Italiya), Bobir Abdixoliqov ("Ordabasi", Qozog'iston)